ਕਿੱਥੇ ਪੀਤੀ, ਕਦੋਂ ਪੀਤੀ, ਕਿੰਨੀ ਪੀਤੀ
ਬਸ ਏਨਾ ਹੀ ਪਤਾ ਕਿ ਬਹੁਤ ਪੀਤੀ ।
ਤੂੰ ਕੀ ਜਾਣੇ ਜ਼ਾਲਮ ਕਿ ਤੇਰੇ ਬਿਨਾਂ ,
ਏਸ ਅੱਥਰੇ ਦਿੱਲ ਤੇ, ਕੀ ਕੀ ਬੀਤੀ ।
ਤੇਰੇ ਦਿੱਲ ਦੀਆਂ ਤਾਂ, ਤੂੰਹੀਉਂ ਜਾਣੇ ,
ਅਸੀਂ ਤਾਂ ਕੀਤੀ, ਸਿਰਫ ਵਫ਼ਾ ਕੀਤੀ ।
ਤੇਰੀ ਯਾਦ , ਜਦੋਂ ਦੀ ਮਹਿਮਾਨ ਬਣੀ ,
ਅਸੀਂ ਹਰ ਸ਼ਾਮ , ਤੇਰੇ ਨਾਮ ਕੀਤੀ ।
ਮੂੰਹ ਮੁਲ੍ਹਾਜ਼ੇ ਵੀ ਤਾਂ , ਰੱਖਣੇ ਹੁੰਦੇ ,
ਜਿੰਨੀ ਅੱਜ ਪੀਤੀ, ਯਾਰਾਂ ਨਾਲ ਪੀਤੀ ।
ਆਪਣਿਆਂ ਤੋਂ ਯਾਰੋ,ਕਾਹਦਾ ਉਹਲਾ ,
ਅਸੀਂ ਜਦੋਂ ਪੀਤੀ , ਸ਼ਰ੍ਹੇਆਮ ਪੀਤੀ ।
ਕਿਤੇ ਹੋ ਨਾ ਜਾਏ , ਕੋਈ ਸ਼ਾਮ ਉਦਾਸ ,
ਅਸੀਂ ਹਰ ਸ਼ਾਮ , ਸ਼ਾਮ-ਏ ਜਾਮ ਕੀਤੀ ।
ਸਤਿਪਾਲ ਸਿੰਘ ਡੁਲ੍ਹਕੂ✍️
No comments:
Post a Comment