ਮੈਂ ਉਸਦੇ ਹਰ ਝੂਠ ਤੇ ਵੀ ਇਤਬਾਰ ਕੀਤਾ ਹੈ
ਕੁਝ ਇਸ ਤਰਾਂ ਉਸਨੂੰ ਮੈਂ ਪਿਆਰ ਕੀਤਾ ਹੈ
ਆਪਣੇ ਹੱਥੀਂ ਵਿਛਾਏ ਜਿਨ੍ਹਾਂ ਮੇਰੇ ਰਾਹਾਂ ਵਿੱਚ ਕੰਢੇ
ਉਸ ਸਫ਼ਰ ਨੂੰ ਵੀ ਹੱਸਕੇ ਕਦੇ ਮੈਂ ਪਾਰ ਕੀਤਾ ਹੈ
ਖਾਇਸ਼ ਸੀ ਉਸਦੀ ਕਿ ਮੇਰੀ ਲਾਸ਼ ਨੂੰ ਤੱਕਣਾਂ
ਉਸਦੀ ਇਸ ਹਸਰਤ ਨੂੰ ਵੀ ਮੈਂ ਸਾਕਾਰ ਕੀਤਾ ਹੈ
ਕਿਸੇ ਦਾ ਹੋਣਾ, ਕਿਸੇ ਤੇ ਮਰਨਾ ਜੇ ਗੁਨਾਹ ਦੱਸਦੇ ਹੋ
ਖ਼ਬਰੇ ਇਹ ਗੁਨਾਹ ਮੈਂ ਕਿੰਨੀ ਵਾਰ ਕੀਤਾ ਹੈ
ਪੁਛਦੇ ਹੋ ਇਸ਼ਕ ਦੀ ਤਬੀਅਤ ਦਾ ਜੇ ਹਾਲ ਮੇਰੇ ਯਾਰੋ
ਮੇਰੇ ਹਾਸੇ ਮੇਰੇ ਚਾਵਾਂ ਨੂੰ ਇਸਨੇ ਤਾਰ ਤਾਰ ਕੀਤਾ ਹੈ
ਮੇਰੀ ਗ਼ਲਤੀ ਸੀ ਬੱਸ ਐਨੀ ਕਿ ਉਸਨੂੰ ਰੱਬ ਕਿਹ ਬੈਠਾ
ਭਰੀ ਮਹਿਫ਼ਿਲ ਚ ਇਸਨੂੰ ਵੀ ਮੈਂ ਸਵੀਕਾਰ ਕੀਤਾ ਹੈ ।
ਅਮਰ
No comments:
Post a Comment